Ekriven Pauris Jean-Baptiste Li fèt Kawoche, nan Latibonit, Ayiti. Li te etidye Teyoloji ak Lingistik an Ayiti ak an Frans. Li anseye Kreyòl Ayisyen, Grèk ak Ebre nan Pòtoprens, epi li travay tou kòm tradiktè ak entèprèt. Li pibliye plis pase kenz liv an kreyòl ayisyen. Sou rekòmandasyon Ministè Kilti a, yo te resevwa l kòm Akademisyen nan Akademi Kreyòl Ayisyen an.
Pauris Jean-Baptiste Li fèt 16 mas 1936, nan bitasyon Kawoche, premye Seksyon Kominal Dolan, komin Tènèv, nan depatman Latibonit, an Ayiti. Li menm ak madanm li Jacqueline Weindling, ke li marye avè l an 1970, gen twa pitit: de gason ak yon fi. Yo ap viv an Ayiti depi 1971. Pauris te etidye teyoloji ak lengwistik an Ayiti ak an Frans. Li se pwofesè kreyòl ayisyen, entwodiksyon nan lang grèk ak ebre. Li travay kòm tradiktè an kreyòl. Kòm yon ekriven kreyolofòn, li ekri plis pase yon kenzèn liv. Akademi Kreyòl Ayisyen te resevwa li 4 desanm 2014 kòm Akademisyen sou rekòmandasyon Ministè Kilti.