An Anglè | An Espanyòl | E kreyòl ayisyen

Se Ti fi nan lari Mango a, yon liv Sandra Cisneros, ki enspire aktivite sa a

Fwa Liv Miami envite w pou w fè atansyon ak mo, imaj, ak detay ki toutotou katye w la, epi pou w reflechi sou fason katye sa a make w. Ki souvni ou genyen lè w panse ak blòk kote w rete a? Ki son, ki odè, ak ki istwa ki fè w santi w lakay ou nan katye a? Petèt se son klòch yon machann krèm, sant vyann griye Soti nan fenèt kwizin yon vwazen, mizik k ap pase nan lari a, oswa kwen lari kote zanmi toujou rasanble pou bay lodyans.

Pwojè sa a ankouraje moun pran tan pou yo obsève anviwònman yo epi pataje sa yo wè, rakonte istwa sou kiyès yo ye, kote yo soti, ak sit ki pi enpòtan pou yo.

Ou ka soumèt pwòp istwa w la. an angle, an panyòl, oswa an kreyòl ayisyen.

Kijan pou patisipe

Opsyon pou soumèt:

• Foto + tit: Pran foto mo/imaj nan katye w epi ajoute yon ti fraz pou dekri li (estil Instagram/TikTok).
  • Tag @miamibookfair.
• Foto + tèks koutVoye 3–5 foto + 1 ti tèks kout (100–150 mo) ki enspire pa katye w. (atravè Formstack)
  • Lè ou soumèt sa yo, sa ba nou dwa pou pibliye epi n ap sèvi ak tèks ak imaj yo pou kreye yon antoloji dijital.
• Istwa odyoAnrejistre yon mesaj odyo ki pa depase 60 segonn (nan stil “spoken word”) sou sa foto/oswa pawòl la vle di pou ou (telechaje sou Instagram Reels oswa TikTok).
  • Tag @miamibookfair.

N ap aksepte sa moun soumèt depi kounye a rive 1wi novanm 2025. N ap chwazi kèk ladan yo pou fè pati yon antoloji dijital.

Ansanm, atravè jwa pataje yon gwo liv, n ap apwofondi konpreyansyon nou sou mond lan, kominote nou, ak tèt pa nou.

Soumèt Istwa Ou