Fwa Liv Miami: 15-22 Novanm 2026
Fwa nan Lari: 20-22 Novanm
Ki lè Fwa Liv Miami a fèt?
Fwa Liv Miami ofri pwogram ak evènman pou timoun, adolesan, granmoun ak fanmi pandan tout ane a, ak festival siyati uit jou nou an ki fèt nan mwa Novanm. Ane sa a, Fwa a ap dewoule soti Dimanch 15 Novanm pou rive Dimanch 22 Novanm 2026.
Ki kalite otè Fwa Liv Miami prezante?
Nou resevwa dè santèn otè nan mwa novanm ak plizyè douzèn lòt pandan tout ane a, soti nan otè lokal ak otè k ap monte rive nan New York Times liv ki pi byen vann yo. Zèv yo – prezante an Anglè, Espanyòl, ak Kreyòl Ayisyen – reflete yon gran varyete enterè ak jan, tankou fiksyon, non-fiksyon, memwa, pwezi, imè, istwa, mòd, manje, syans fiksyon… di sa w vle a, nou genyen l! Nou fyè tou de pwogramasyon vaste nou ofri pou timoun ak fanmi. Ou ka navige sou sitwèb sa a pou w wè tout pwogramasyon ak evènman nou yo pandan tout ane a ak mwa novanm.
Kijan mwen ka rete okouran de dènye nouvèl ak enfòmasyon sou Fwa Liv Miami?
Konbyen sa koute pou patisipe nan yon pwogram oswa evènman nan Fwa Liv Miami?
Prèske tout pwogramasyon ak evènman nou yo gratis, avèk kèk eksepsyon. Pandan festival Novanm nan, kèk nan sesyon seri Evenings With nou yo gen yon frè pou patisipe (men souvan yo vini ak yon kopi liv k ap prezante a), menm jan ak kèk nan sesyon otè nou yo nan wikenn. Pifò nan pwogramasyon ak evènman festival nou an fèt pandan wikenn Fwa nan Lari a, ki se twa dènye jou Fwa a, epi w ap bezwen yon tikè pou w antre:
- Tikè pou yon sèl jou: Adilt $12 | Granmoun aje $7 (plis pase 62 an) | Adolesan $5 (laj 13-18 an)
- Tikè pou plizyè jou: Adilt $18 | Granmoun aje $12 (plis pase 62 an) | Adolesan $8 (Laj 13-18 an)
- Timoun 12 an ak pi piti: Gratis
- Etidyan, pwofesè ak anplwaye Miami Dade College: Gratis ak yon ID MDC valab
Ou ka achte tikè pou Fwa nan lari a. isit la.
Kijan mwen ka konnen si gen anilasyon oswa chanjman nan orè Fwa ki fèt pandan tout ane a oswa nan orè Fwa Novanm nan?
Rete enfòme lè w suiv nou sou rezo sosyal yo, li bilten elektwonik nou yo, epi vizite sitwèb sa a.
Èske liv otè yo ap vann nan evènman ou yo e èske mwen ka jwenn kopi siyen?
Wi! Liv pou pwogram otè yo disponib atravè patnè nou an, Books & Books, epi sesyon siyati liv yo pwograme pou anpil otè k ap prezante pandan wikenn Fwa Lari a nan festival Novanm nan.
Ki kote pou m pake?
Pakinn gratis disponib nan Garaj Pakinn Kanpis MDC Wolfson pandan uit jou festival Novanm nan. Garaj la sitiye nan 500 NE Second Ave.; antre a sou NE Fifth Street ant First ak Second avenues. Genyen lòt opsyon pakin ki disponib tou toupre a pou peye atravè Otorite Pakin Miami (Miami Parking Authority); garaj ki pi pre yo se College Station nan 190 NE Third St. (akès atravè NE Second Street) ak Convention Center nan 100 SE Second St./Bank of America Building.
Kijan mwen ka sipòte Fwa Liv Miami?
Ou ka patisipe Zanmi Fwa a, pwogram manm nou an ki dire tout ane a – avantaj yo bèl anpil – oswa fè yon don pa klike la a.
Mwen gen yon kesyon ki pa adrese isit la.
Pa gen pwoblèm! Ou ka kontakte nou nan [email protected] ak nenpòt lòt kesyon ou ta ka genyen.